BRUNEI WEATHER FORECAST

Tuesday, February 5, 2008

Masa 26hb si pepeh bercadang kan memancing di Anduki dan berjanji esok pagi nya kul 6 pagi berjumpa di rumah ku. Sekali sudah esok nya tunggu-tunggu ku si pepeh ani kul 8 pagi pun alum ada nampak batang hidung nya. Sekali ku tipun kedia rupanya masih tidur. Iatah namanya orang melayu jua.. hahah

Jam kul 9.30am baru si pepeh datang ke rumah ku dan kami terus chow ke Telesai membali udang hidup arah si ... (lupa ku namanya). Lapas dari Telesai ke Anduki kami. Dalam perjalanan lagi ada roadblock!! kerita ku lagi nada roadtax!! Mati eh.. masuk ku arah rumah orang... ada pulang roadtax tapi inda belakat di cermin depan. Cari punya cari....nah!! dapat! Then kami teruskan perjalanan ke Anduki.

Tiba kami di Anduki terjumpa kawan kawan kaki pancing jua si Wandi, si Alan & si Udid. Kami di sana survey saja... Di tanya arah diorang pun nada belurih. Then aku sama si pepeh teruskan perjalanan ke Sungau Dua.

Sampai saja di Sungai Dua kami pun cari spot yang bisai untuk melabuh pancing. Sebelum melabuh pancing aku check dulu pakai Fish Finder ku. Check punya check.. pun inda belauk ani bah.. Kalau kan di labuh kan jua takut buang masa... Masa atu kami banyak membuang masa ke Telisai sama buang masa menunggu si kawan masih tidur.

Gambar Kuala Sungai Dua

Si Hasnan baru kan mencucuk standnya

Float King (Gaban jua ia ani)

Iatah lapas saja ku check mengunakan Fish Finder inda jua belauk so kami pun pindah ke Batu Belait (Tampat ani kana ban plg..tapi kami majal). Sampai saja di batu belait pun nada hang. Ombak kuat. Inda siuk lah... panas lagi.. kan duduk arah batu pun panas jubo... then pindah lagi kami...

Pindikan cerita.. last tempat kami aga arah hotspot ku di Lorong 7, Seria. Aku main casting saja. Si pepeh sama si hasnan main tahan. Lansung jua nada kana agut.


Temanung Boy.. (Jgn mare..)

Di Lorong 7 pun ku check pakai Fish Finder pun nada ikan. Sekali bila kami kan balik ada tia bunyi "Booofff" Selunsung tu eh... Apa lagi kami cuba casting punya casting inda jua mau makan ah selunsung atu... Walau cemana pun masa hari atu nada ulih tapi enjoy jua.. Nanti kami kan buat trip lagi ke Pelumpong. Inshallah.

0 comments: