BRUNEI WEATHER FORECAST

Sunday, February 17, 2008


Masa hari Sabtu 16.02.2008 aku ani plan kan mancing di kuala Danau hari minggu tapi nya si Float King jalannya licak.. so kami plan di kuala Tutong saja. Kami berjanji hari minggu pukul 6 pagi betolak dari rumah ku.

Udah keesokkan harinya... biasalah janji melayu ani.. Aku bangun awal pulang then mandi, tolong mama ku sekajap angkat meja pas atu masak Indomie pakai bata mancing..save jua duit :) Mau mau kul 9 pagi aku bertolak dari rumah ku then udah sampai dirumah nini si Float King rupanya ia ani masih lagi tidor! (Bukan nini nya... si Float King bah) Ku tipun kedia.. untuk membanguni "Oi bangun bah.. aku dibawah udah ni" Jawab Float King.." Bah..bah...Kajap..." hahahhaa. Udah ia bangun, aku rasa-rasa ia ani inda mandi lah.. cuci muka saja kali. Lapas atu nini nya ada bagi dua bungkus nasi lamak. Udah siap semua barangnya di angkat dari keritanya ke kerita ku kami tarus zooooomm......! ke keramut bali udang idup.

Sampai saja kami di Kuala Tutong arah jambatan feri lama kami breakfast dulu... makan nasi lamak yang di bagi nini si Float King. Lapas breakfast masing-masing setup pancing.. Masa atu ada orang merambat... banyak pusu orang atu belurih.. Champion lagi caranya merambat atu..


Inda lama lapas atu... udah tia si Float King STRIKE! Biasalah ia ani asal mancing opening gerenti Utik... Di mana-mana saja aku sama kedia ani mancing, first ikan ia dapat mesti utik hahahaha....


Inda batah lapas ia dapat Utik lebih kurang 20 minit STRIKE lagi!!! Iatah akibatnya ketawakan orang aku pulang sampai ani alum lagi ada strike... kana jamah pun inda umpan ku.. apa lagi casting pun alum ada kana sambar.


Dalam 15 minit lagi lapas atu ada lagi ia strike!


Tepat jam 12 tengah hari kami pun lunch.. makan Indomie yang ku bata dari rumah. Lapas lunch checking umpan pas atu ku cuba lagi casting mana tahu dapat ikan basaaa.... kan kalahkan si Float King ah.. sasak udah ku 3-0 kali ah!

Casting punya casting sampai kul 5 ptg langsung nada kana agut kah kana sambar kah... langsung nada!


Liat aing pasang panuh tapi warna aing masa atu warna coklat... antah ah aing atu kali jua buat inda belauk. Tapi yang banar nya alum ada rezeki tu...

Walau cemanapun.. kami enjoy jua mancing di Kuala Tutong banyak orang kami jumpa disana.. ada yang mancing ada yang merambat dan ada yang membintur. Yang membintur atu namanya Hj Jamain bagas keraja Letrik iatah dangan kami becerita masa atu.. macam gaban jua...ada jua lah tips tips yang di baginya untuk mancing ani. Iatah kan... mancing ani yang banar nya siukk... membuka minda, buat activity yang berfeadah, dapat bertemu kawan baru, berkongsi penglaman.. daripada duduk-duduk di rumah... pikiran pun inda jalan toh.. hehhehe yang penting enjoy!

Dibawah ani gambar-gambar yang labih masa kami mengail... :)


p/s: Ikan yang dapat ulih si Float King hari ani semuanya Catch & Release...


Duo: Float King... tunggu kau minggu dapan aku pakai baju Cocaine ku... hemmmm.. baru kau tapi siapa lagi heng... hahahah, Sekian.

Maju Sukan Untuk Negara!


0 comments: